الرئيسية
حسبالك نخاف وما نروح أنزور
توقف بالدرب وكلابك اتهدهن
جماعية المقابر نصها للزوار
مو أنت التردهن ذاك ماردهن
علي صاير مجاهد لحيتك شبرين
وثياب الغجر للركبة لابسهن
سفارة بكل بلد مبنية لإسرائيل
إذا أنت مجاهد روح فجرهن
تقطع راس شيعي وتدعي الإسلام
وبراسك جنان أتريد تدخلهن
عبادة حجارة الشيعة ليش اتقول
لان عقلك حجارة ودني يعقلهن
دقلي انت شمالك من الترب مغثوث
جاي اسجد عليهن ماسجدت الهن
مثل ماحضرتك تسجد على السجاد
شو محد يقلك ليش تعبدهن
قصدنا المحتوى مو بالضريح انبوس
ولا تعني المعادن النا بوستهن
بس ندري بعلي واقف ورى الشباك
واندني الشفايف حتى يختمهن
ينعرفن لأن مادام مختومات
الله يحرم على النار شويتهن
وأقلك على الولاية وعصمت أهل البيت
أنت بيا شريعة تريد تنكرهن
ولايتهم جنح وأعمالنا إحنا طيور
إذا نقطع جنح يا هو يرفعهن
ما تصعد صلاته الينكر الكرار
لأن طرق السما بس علي يندلهن
علي الرد الشمس أكبر جسم بالكون
بس كفوف سائل يعجز يردهن
علي ألبس الخادم ثوب اجد من ثوب
وثيابه السمل للموت لابسهن
علي ولولا علي كلهن يحلهن كان
وعلي اللي ما يحلهن حيدر يحلهن
نعم من موسى أكرم أنت يا الكرار
وحق وادي طوى والقلَّه اخلعهن
لو موسى النبي داخل طوى أبنعليك
كان رب العرش قله ابقى لابسهن
خيبر يفتهم ما عاندك على الباب
بس يعاندك حيطانه تشلعهن
أسرع منطلق بالدنيا هو الضوء
وأنت النور حيدر يعني أسرعهن
ليش التقص راسه عيونه مفتوحات
ما يلحق عليك اشلون يطبقهن
لذلك بالحرب يتلمسون الروس
من تخطف عليهن خاف قاطعهن
والبطران أجاني يقلي ليش أتزور
ومن يقول القبور أتفيد زايرهن
وإلك شوف القبب ما بيها لذق اتراب
جبرائيل ينزل بيده يمسحهن
لو مسلم صدق اتناقش انا وياك
بس اصلا حرام افكارك اسمعهن
عصا موسى آية وتخدم الأغنام
لأن ربنا الغنم على العِصا فضلهن
وأفضل من محمد عندك العصاة
تفا هاتك هذول اشلون أناقشهن
معروفة المذاهب سنة شيعة اخوان
انت منين لا منهم ولا منهن
تضل الخمس الأصول الرابع الكرار
وتبقى السبع الكبائر وأنت ثامنهن
وتبقى السبع الكبائر وأنت ثامنهن
[center][b]
